Мајк Тајсон се враќа во рингот за првпат по 15 години и според објавените фотографии, шампионот е во одлична форма.
Иако има 54 години, тој изгледа моќно и се чини е подготвен да се бори.
Тајсон напорно тренираше во последните шест месеци, а на 28 ноември има егзибициски меч против Рој Џонс Џуниор од осум рунди. Двајцата се во интензивни подготовки за спектаклот.
„Последен пат кога ја имав оваа килажа имав 17 или 18 години. Навистина сум задоволен од сè што направив, сѐ е во самодовербата и самопотврдата. Неверојатно е, јас сум едноставно подготвен за ова. Не можам да го објаснам тоа со зборови“, рече Тајсон пред две недели.
Последен пат се бореше пред 15 години, кога забележа два последователни порази од Дени Вилијамс, па Кевин МекБрајд. Тој ја започна својата кариера уште во 1985 година, кога нанижа 15 победи, завршувајќи ги сите натпревари со нокаут.