Во текот на актерската кариера Хенри Кавил експериментира и се залага за различни фитнес методи. Така, за сцените во „The Witcher“ презеде делови од бодибилдингот.
Во текот на кариерата, Кавил има блиска соработка со тренерот Дејв Рензи, како во фитнес така и во рутината за исхрана. Во интервју за GQ, актерот откри дека е многу љубопитен на оваа тема, особено зошто нешто се консумира, зошто одреден протеин се фаворизира над другиот, зошто треба да се консумира и кога. Целиот процес бил неверојатна прилика за учење за Кавил.
Тој вели дека неговата исхрана се менува зависно од изгледот што сака да го постигне. Ако оди на добивање маса, ќе потроши повеќе калории. Моментално е повеќе загрижен за одржување на мускулната маса и работи на боречки кореографии за The Witcher. Обично кога ќе се разбуди има протеински шејк, а со него има и омлет со малку шунка.
Кавил јаде два или три часа по тренинг, обично пилешко месо и бел ориз со кари сос.
За вечера настојува да изеде говедско месо со сладок компир. Пред спиење пие протеински шејк.
„Протеините пред спиење за мене се вистински спас“, открива Кавил.
