Realme го подготвува смартфонот на преклоп GT 2 Fold, а во меѓувреме се појавија скици кои го откриваат неговиот изглед и некои карактеристики.
Директорот на компанијата Realme минатиот месец рече дека нема што да каже за смартфоните и дека сакаат да воведат брзи процесори и брзо полнење, меѓутоа членовите на Realme Design Studio го споделија концептот на моделот Realme GT 2 Fold.
Дизајнот покажува дека станува збор за радикално ново решение во светот на преклопните уреди, екстерниот екран ќе се отвора поинаку за разлика од Galaxy Z Fold.
Скиците покажуваат две камери од 50 MP и 6,5-инчен AMOLED екран, а откако ќе се отвори уредот на располагање е 8-инчен AMOLED екран како таблет. USB-C влезот се наоѓа на долната десна страна, а во горниот десен агол е уште една камера.
Се очекува дека Realme GT Fold 2 ќе чини повеќе од 1200 долари, а засега не е познато кога ќе се појави на пазарот.