Градот Лондон ја прошири областа што ја зафаќа наплатата за влез на постари возила со повисоки емисии на гасови за да го подобри квалитетот на воздухот.
Влезот во центарот на градот за постари возила чини 12,50 фунти, а сега зоната со ултра ниска емисија ќе биде проширена до Тотенхем на север и Брикстон на југ.
Загадувањето во центарот на градот се намалува
Надоместокот ќе го плаќаат сопствениците на бензинци кои не го користат стандардот за гориво Еуро 4, задолжителен од 2005 година, и дизел моторите кои не го користат стандардот Еуро 6, воведен во септември 2015 година.
Лондон се обидува да го намали загадувањето во центарот и со такса за сообраќајниот метеж од 15 фунти, која возачите, со одредени исклучоци, ја плаќаат од седум наутро до десет навечер. Со овие мерки, градот постепено ќе се „ослободи“ од старите возила кои се сметаат за големи загадувачи на воздухот.
Земјите и градовите ширум светот се подготвуваат да спроведат слични планови.