Португалскиот стратег синоќа се најде во незавидна позиција откако мораше да најде објаснување за неверојатниот пораз на неговата Рома која иако имаше 3:1 против Јувентус, на крајот загуби со 3:4.
Рома поведе преди Тами Ејбрахам, а брзо израмни Пауло Дибала со одличен удар. Потоа Хенрих Мхитарјан донесе водство кратско по паузата, а Лоренцо Пелегрини со прекрасен слободен удар направи 3:1 за Рома во 53. минута.
„Имавме контрола на играта за 70 минути. Тимот одигра добро и покажа менталитет за контрола на игра. Уште на почетокот влеговме јако. Високиот пресинг, контролата на темпото и земањето иницијатива беше нашата идеја“, почна Жозе Мурињо.
Потоа во 70. минута Мануел Локатели намали на 3:2, а само две минути подоцна Дејан Кулушевски израмни на 3:3. Во 77. минута Матиа Де Шиљо прв пат по 4 години постигна гол во Серија А, гол вреден пресврт и победа.
Мурињо вели дека кога при 3:2 во игра го ставил Елдор Шомуродов на местото на Феликс Афена-Џан, узбекистанскиот напаѓач му кумувал на пресвртот.
„Сѐ беше добро 70 минути, потоа се случи психолошки колапс. Голот за 3:2 нѐ среди бидејќи Феликс имаше одличен натпревар кој заврши со спринт против Куадрадо. Го извадив, а неговата замена направи сѐ погрешно“
„Кога им дозволивме да се вратат во игра со 3:2, тим со силен менталитет како Јуве, со цврст карактер, на сцена стапи стравот. Психолошки комплекс. Мене не ми е проблем да имам 3:2, проблемот е за нив, за моите играчи“
Да биде бељата поголема, Пелегрини во 83. минута промаши пенал откако Војчех Шченсни го одбрани неговиот удар.
„На крајот, кога си во го*на, стануваш на нозе и си го бараш своето јас. Но, во нашата соблекувална има луѓе кои се малку така премногу добри, премногу слаби. Веќе им кажав на играчите дека доколку натпреварот завршеше во 70-тата минута, ќе имавме неверојатен натпревар. Нажалост, не заврши тогаш“, заврши португалскиот стратег.
Рома наместо бодовно да се израмни со Јуве, остана на 32 бода, додека Јуве избега на 38 на 5-тото место.
