Бројот на заразени со коронавирусот во светот, според веб-страницата Worldometer надмина 31 милион.
САД се најпогодени од пандемијата, каде има речиси седум милиони заразени, а повеќе од 200.000 починале. На второ место е Индија, каде се разболеле 5,4 милиони луѓе, а бројот на заразени секој ден се зголемува за речиси 100.000. Во Бразил, кој е на третото место по бројот на заразени, се разболеле повеќе од 4,5 милиони луѓе, а во Русија повеќе од еден милион.
Во Европа, коронавирусот е потврден кај повеќе од 4,4 милиони луѓе, а после Русија, следуваат Шпанија – 659.334, па Франција со 442.194 заразени.
Според Worldometer, во светот досега се заразени 31.002.576 лица, починале 961.612 луѓе, 22.610.880 се излекувани.
Ваквите податоци укажуваат дека пандемијата со COVID-19 не само што не стивнува, туку и се заканува со уште посилен есенски бран.
Долгите карантини, ограничувањата на движењето, работата од дома – сево ова придонесе да за многу пореметувања надвор од она што го сметавме за „нормално“.
Времето тече побрзо или побавно? Настаните пред пандемијата ни се чинат далечни, а спомените од „старата реалност“ понекогаш се толку блиску, а некогаш толку далеку.
Како нашите мозоци се прилагодуваат на новонастанатата ситуација и како пандемијата ни го поремети чувството за време?
