Дури и кога мируваме, нашето тело троши енергија. Но, колку енергија троши зависи од неколку фактори.
Ако сакате вашето тело да троши повеќе калории кога не сте физички активни, потрудете се во текот на денот да пиете доволно вода. Едно истражување покажа дека за 10 минути пиење 0.5 литри вода потрошувачката на енергија во текот на неактивност се зголемила за 24 до 30 проценти. Овој ефект траел најмалку 60 минути, па се препорачува да пиете по малку вода на секој час.
Намален апетит
Пиењето вода пред оброк го намалува апетитот, особено ова е видливо кај повозрасни луѓе.
Помало внесување калории
Познато е дека газираните и негазираните сокови имаат голема енергетска вредност, додека водата нема. Значи, ако пиете вода наместо овие пијалаци, ќе го намалите внесувањето калории и со самото тоа ќе го изгубите вишокот килограми.
Како да пиете доволно вода?
Во летните денови од голема важност е да пиеме вода. Ако тоа не ви е навика може да се послужите со неколку трикови:
- залепете ливче на вашето биро со потсетник да пиете вода
- секогаш носете со вас шише вода
- поставете аларм на телефонот, на секој час нека ве потсетува дека е време да пиете вода.
