Науката вели дека сѐ е до формата: едно најново истражување покажа дека формата на садовите во значителна мера влијае врз тоа колку уживаме во јадењето.
Резултатите од ова истражување покажуваат дека најефикасен начин за да може поспаниот мозок наутро да „сфати“ дека се храниме и да биде „благодарен“ е да јадеме од чинии со четвртаста форма и стоејќи.
Во експериментот спроведен во Оксфорд, во кој учествувале 78 жени на возраст од 18 до 65 години, испитаничките биле поделени во две групи.
За првата група, житарките биле сервирани во вообичаени округли чинии, а другата група јадела од четвртасти садови.
„Испитаничките од првата група беа понезадоволни од оброкот во споредба со оние кои јадеа од четвртасти садови. Исто така, вторите сметале дека оброкот е похранлив за разлика од испитаничките во првата група“, вели Џенифер Њусон која го водеше истражувањето.
„Овој експеримент докажува дека ‘јадеме со очите’, односно дејка за вкупниот впечаток за квалитетот на храната и задоволството од јадењето многу е важно како е сервирана храната“, вели таа.
Истражувањето исто така покажало дека ако го јадеме појадокот стоејќи, се чувствуваме позадоволни од оброкот.