Доколку луѓето планираат подолго време да престојуваат на Месечината, тогаш треба внимателно да ги разгледаат и истражат ресурсите под површината. Таа работа би можеле да ја вршат роботи.
Европската вселенска агенција ЕСА го поддржа развојот на роботот DAEDALUS (Descent and Exploration in Deep Autonomy of Lunar Underground Structures), чија задача би била истражување на пештерите на Месечината.
Станува збор за 18,1-инчен робот опремен со стереоскопска камера и ласерски радар систем за 3D мапирање на внатрешноста на пештерите, сензори за температура и роботски раце со кои би ги расчистувал препреките и би ги тестирал карпите.
DAEDALUS е еден од неколкуте концепти кои ЕСА ги разгледува, така што нема гаранција дека некогаш би бил испратен на површината на Месечината. Сепак, ако стане реалност ќе претставува значителна алатка.
Научниците би откриле дали некои од пештерите би можеле да бидат соодветни за изградба на заедница на Месечината, дали би штителе од радијација, екстремни температури и слично.