Кога зборуваме за чистење, односно одржување на клима уредите, најмногу мислиме на филтрите кои се наоѓаат во самиот уред и на кои со текот на времето се акумулира прашина, нечистотија, грини, вируси и бројни штетни бактерии.
Летниот период е незамислив без клима уред во домот, без разлика дали живеете во зграда или во куќа. Кога живата на термометарот ќе отиде над 30-тиот степен, сите посегнуваме по далечинското од клума уредите.
Преку воздухот лесно можат да стигнат до човечките бели дробови и да предизвикаат бројни болести. Затоа е потребно да се одржува хигиената на споменатите филтри, за што има бројни сервиси. Сепак, не мора секогаш да им се јавувате, иако тие секако сè ќе исчистат длабински и како што треба.
Ако филтрите не се премногу валкани, можете и сами да ги исчистите.
Ако вакво нешто досега не сте правеле, сепак лесно ќе ги препознаете филтрите. Штом ќе го извадите капакот од, се разбира, исклучената клима, филтерот е таму, лесно забележлив и веројатно валкан. Треба да го извадите.
Прво отстранете ги сите поголеми предмети што стигнале до филтерот, а потоа измијте го. Ова можете да го направите само со вода, но ако додадете малку средство за дезинфекција, ќе бидете сигурни дека сите штетни микроби се уништени.
По миењето оставете го филтерот да се исуши. Потребно е целосно да се исуши за да можете да го вратите во клима уредот и да ја избришете мрежата пред да го вратите.
Тоа можете да го направите со мешавина од вода и обичен детергент.
Кога ќе го направите тоа, вратете сè на своето место. Препорачливо е да се чисти климата на секои 6 месеци, а ако ја користите за греење во текот на зимата, тогаш на секои 3 месеци.
