Ново истражување извршено на Универзитетот во Квинсленд ги доведе до врска менталното здравје на тинејџерите и времето коешто го минуваат пред екрани (на мобилен телефон, таблет, лапотоп).
Кај оние тинејџерки кои минуваат повеќе од два часа на компјутер е забележано многу штетно дејство. Кога станува збор за момчињата, загрозени се они кои подолго од два часа дневно гледаат во екран.
Професорот Асад Кан од Универзитетот во Квинсленд вели дека неговата група истражувачи открила дека користењето на компјутер во текот на првиот час има некои предности, но кај некои девојчиња веќе по 75 минути е регистрирано негативно влијание на менталното здравје.
„Резултатот на претерано гледање во екран се депресија, дебелина, лош квалитет на живот, нездрава исхрана и намалена физичка и когнитивна способност. Еден час физичка активност и не повеќе од два часа минати пред компјутер обезбедуваат оптимално ментално здравје“, вели доктор Кан.
Студијата е резултат од соработка на неколку универзитети. Меѓународниот тим ги истражуваше податоците на повеќе од 577.000 адолесценти на возраст од 13 до 15 години од дури 42 земји кои важат за најбогати во светот.
