За време на пандемијата на COVID-19, популарноста на апликацијата за видеоконференции Zoom значително се зголеми, од 10 милиони дневни корисници во декември 2019 година на 300 милиони во април 2020 година.
Само од јануари до април, на оваа платформа имаше две илјади милијарди минути во видеоповици.
Благодарение на Zoom, работењето можеше да продолжи за време на пандемијата и мерките за затворање, но апликацијата стана и посредник во одржување владини состаноци, кулинарски курсеви, ликовни работилници, обуки и божикни забави.
Во конкуренција на Apple, Google, Microsoft и Facebook, Zoom се искачи на врвот, а причината е неговата пристапност, кон која треба да се стремат сите технолошки производи, пишува британскиот весник Independent.
Zoom е бесплатна платформа, за разлика од апликацијата FaceTime на Apple, која може да ја користат само сопствениците на скапите уреди на Apple. Zoom исто така не бара корисникот да има профил, како што е случајот со апликацијата Google Meet.
Facebook не се користи за деловно работење, а WhatsApp, апликација во сопственост на Facebook, не е направена за користење на компјутер. Во споредба со апликацијата Skype на Microsoft, Zoom е полесна за употреба, особено за оние кои не се многу вешти во користењето компјутер.
Сите овие фактори ја направија Zoom многу популарна, иако нејзиниот пат кон врвот не помина без проблеми.
Фактот дека апликацијата е лесна за употреба стана меч со две острици – хакерите можеа лесно да најдат мрежни состаноци на Zoom и да слушаат, па дури и да ги вознемируваат учесниците.
Затоа британската агенција за борба против криминалот и американското Федерално биро за истраги издадоа предупредувања и совети за безбедни видеоповици, а Zoom воведе дополнителни мерки за заштита од поединци со задни намери.
Работата од дома за време на пандемија натера многу компании да користат апликации како што е Zoom за да се справат со вработените. Тој тренд веројатно ќе продолжи и во 2021 година, па дури и подолго - смета професорот на бизнис школата на Харвард, Рај Чодри, експерт во практиката на теле-работа.
Популарноста на овој софтвер за видеоповици може да ослабне кога пандемијата ќе помине, бидејќи вредноста на нејзините активности се намали кога се направи вакцината против коронавирус.
„Како и да е, Zoom е направен за отсега па натаму. Имаме платформа што го поддржува она што му треба на светот денес, утре и далеку во иднината“, изјави директорот на Zoom во Велика Британија и Ирска, Фил Пери, за Independent.
Zoom може да се сочи со сериозна конкуренција, особено од апликацијата Teams на Microsoft наменета за комуникација помеѓу пријателите и семејството, но и за деловни цели. Оваа апликација веќе расте: од 44 милиони дневни корисници во март 2020 година, на 115 милиони во октомври. Ако пандемијата покажа нешто, тоа е дека иднината е неизвесна, но Zoom засега е во водство, пишува британскиот весник.