Има многу малку места ширум светот каде што не е пријавен ниту еден случај на коронавирус. Иако Италија беше една од најпогодените европски земји од пандемијата, коронавирусот не пристигна до неколку нејзини острови.
Италија е во локдаун до 30 април, а минатата година во овој период беше на насловните страни на сите светски медиуми поради коронавирусот кој во истоимената држава однесе 100.000 животи.
Островот Термоли е еден од островите кои се „корона-фри“. Преку лето е полн со туристи, а во преку зима живеат само 200 луѓе. Сопственичката на продавница за изнајмување опрема за нуркање Саманта Диониси за CNN Travel раскажа дека жителите активно ги следат случувањата во светот, но и дека се надеваат дека наскоро сè ќе се врати во нормала за да можат да продолжат со работа.
На сите острови има пункт за тестирање на коронавирус, но повеќето граѓани велат дека не се плашат бидејќи се оддалечени од копното.
„Среќен сум што живеам овде, ми се чини како да живеам во некој друг свет. Благодарение на прекрасната клима, мојата сопруга и јас уживаме секоја вечер под отворено небо. Одгледуваме овошје, зеленчук, одиме на прошетка, среќни сме. Ова е наш мал свет и не ни недостасуваат луѓе, уживаме“, рече 85-годишниот Пепино Таранто, жител на островот Филицуди.
Репортерот на CNN посети пет различни острови и собра интересни приказни од тамошните жители. Сите острови се опишани како празни и тихи, но жителите рекоа дека така е секоја зима, пандемијата не направила некаква промена. Тие се среќни бидејќи се заштитени и се надеваат дека наскоро светот ќе се врати во нормала.