Каква е состојбата со коронавирусот на Балканот денеска?
Во последните 24 часа регистрирани се 3.955 нови случаи со COVID-19 во Хрватска. Бројот на активни случаи изнесува 24.190, а починаа 68 лица. Хоспитализирани се 2.427 лица, а на респиратор се 262 пациенти.
Во Словенија се тестирани 6.853 примероци, а се регистрирани 1.784 новозаразени. Починаа 61 лице.
На болничко лекување се наоѓаат 1.284 пациенти од кои 197 се приклучени на респиратори.
Во Србија се воведени уште поригорозни мерки кои од денеска стапуваат во сила, а почнува со работа и најголемата ковид-болница. Епидемиолозите предвидуваат дека бројките ќе се движат до 10.000 новозаразени на дневно ниво.
Во последните 24 часа во БиХ се регистрирани 1.254 новоразени, а починати се 53 лица.
Црна Гора сè уште е на второто место во светот според бројот на случаи на коронавирус на милион жители, покажуваат податоците на страницата Worldometers.
Пред Црна Гора, која според овие податоци има 58.800 случаи на милион жители, е само Андора со 89.294, пренесува црногорскиот весник Vijesti.
Според Институтот за јавно здравје, во Црна Гора во моментов се активни 10.550 случаи на коронавирус, додека од почетокот на годината се регистрирани 36.932 случаи на инфекција.
