Според податоците на Државниот завод за статистика, цената на моторниот бензин е намалена за 1,6 отсто на месечно ниво, а зголемена за 65,4 на годишно ниво, додека цената на дизелот е намалена за 2,6 проценти на месечно, а зголемена за 50,7 проценти на годишно ниво.
Нафтените деривати од полноќ поскапија од два до два и пол денари, согласно одлуката на Регулаторната комисија за енергетика. Еуросупер БС-95 и Еуросупер БС-98 поскапија за два денари, а дизелот и Екстра лесното масло за домаќинство за 2,5 денари. Новата цена на Еуросупер БС-95 е 75,5 денари за литар, додека Еуросупер БС-98 се продава по цена од 77,5 денари за литар. Дизелот од полноќ чини 67,5 денари, а Екстра лесното масло за домаќинство 67 денари. Мазутот поскапи за 1,630 денар/килограм и согласно новата одлука на РКЕ ќе чини 42,761 ден/кг.
Новото поскапување на нафтените деривати, од РКЕ го објаснуваат со зголемувањето на цените на нафтата на светските берзи во изминатите седум дена.
Во секој случај, зголемувањето на цената е добра можност да се споредат цените на автомобилското гориво со другите европски земји. Во анализата на Index.hr користени се податоците на специјализираната страница Tolls.eu, која пак користи податоци од веб-страницата на Европската комисија и страниците на различни европски синџири на бензински пумпи.
Трите категории на автомобилско гориво што се споредуваат се бензинот (Еуросупер 95), дизелот и течниот нафтен гас (ТНГ). Цените се во евра од 7 октомври, што се најновите достапни податоци.
Бидејќи овие записи не ги вклучуваат Босна и Херцеговина, Србија и Албанија, ги најдовме цените за нив (заклучно со 4 октомври) на специјализираната страница Cargopedia.net.
Македонија најевтина, најскапа Италија
Хрватска е меѓу најскапите во однос на цената на бензинот (1,47 евра) и дизелот (1,45) - поскапи се само Албанија и Италија, каде што бензинот чинеше просечно 1,69 евра на 7 октомври, и дизелот 1,54.
Најповолни меѓу земјите во регионот се Македонија (1,13 евра бензин, 0,99 дизел) и Босна и Херцеговина (1,17 бензин, 1,15 дизел).
Што се однесува до остатокот од Европа, горивото е убедливо најприфатливо во Турција - 0,74 евра за литар бензин и 0,68 евра за литар дизел. Исто така е доста поволен во Молдавија, Украина, Бугарија, Романија и Полска.
Најскапи се во Холандија (1,86 за литар бензин) и Данска и Норвешка (1,77). Следат Словенија (1,28 евра бензин, 1,35 дизел), Австрија (1,34 бензин, 1,31 дизел), Чешка (1,46 бензин, 1,29 дизел) или Луксембург ( 1,4 бензин, 1,33 дизел).
Се разбира, причините за зголемувањето на цените на горивата се глобални, како и самиот раст. Тоа е комбинација од неколку фактори: нарушување на синџирот на снабдување поради пандемијата, опаѓање на залихите, зголемување на побарувачката со завршување на заклучувањето, недоволен капацитет на зелени извори на енергија, почеток на грејната сезона, потоа пониско производство на дизел и други фактори.
