Калин Ивановски попладнево со 2:1 го совлада својот литвански противник и со третата победа на јуниорскиот Вимблдон се избори за четвртфинале.
Младата македонска тениска надеж првиот сет против Едас Бутвилас го доби со 6:4 по тесна битка, додека во вториот Литванецот успеа да израмни на 1:1 откако победи со 7:5 по 48 минути игра.
Сепак, во третиот Македонецот беше убедлив добивајќи го со перфектни 6:0 за 29 минути игра, со што дојде до конечна победа од 2:1.
Ивановски сега во четвртфиналето ќе се сретне со подобриот од дуелот на Словенецот Бор Артнак и Шпанецот Педро Роденас. Артнак важи за фаворит бидејќи е рангиран на 849. место.
За потсетување, Калин синоќа го исфрли Мексиканецот Родриго Пачеко Мендес, а во 1. коло со 2:1 го елиминираше домашниот тенисер Лука Поу.