Синоќа, празнејќи ги контејнерите на подрачјето на скопската општина Центар, камион на Јавното претпријатие „Комунална хигиена“ испокина новогодишни сијалички, дел од украсите во општината.
„Град Скопје не само што ги остави скопјани без празнично украсен град за Нова година, туку сега и го уништува тоа што општината го украси! Камионот на ЈП 'Комунална хигиена', под ингеренции на Градот, помина низ Центар, ги искина сијаличките и продолжи како ништо да не се случило. Ова ли е одговорно однесување кон празничната атмосфера?“, објави градоначалникот на Центар, Горан Герасимовски, споделувајќи и видео од настанот.
Дали новогодишните сијалички биле прениско поставени на улицата не земајќи ги предвид камионите што минуваат по конкретната улица, останува да се утврди.
