Скијачката од Канада, Лоренс Сент Жермен, направи големо изненадување со победата на денешниот слалом возен на Светското првенство во Куршевел и Мерибел.
Лоренс, на која до денес најдобар пласман на една слаломска трка ѝ беше 6. место, денешните две трки ги заврши со вкупно време 1:43,15 минута.
Големата фаворитка за триумф, Американката Микаела Шифрин, беше водечка по првото возење, но на крајот мораше да се задоволи со сребрен медал. Нејзиниот заостаток зад победничката изнесува 57 стотинки.
Третото место и бронзениот медал го освои Лена Дир од Германија со време 1:43,84 минута.
На денешниот слалом настапи и Македонката Јана Атанасовска која не успеа да ја заврши првата трка.
Утре на Мундијалот во Куршевел и Мерибел на распоредот е машкиот слалом.
