Капитенот на Барселона, Сержи Роберто, одбил богата понуда од Саудиска Арабија од клубот Ал Кадсија поради неговата сопруга Корал Симанович, пренесува Mundo Deportivo.
Причината поради која Каталонецот не сака да оди во Саудиска Арабија е тоа што оваа земја ја поддржува Палестина во војната со Израел, а Корал е Израелка родена во Њујорк.
Многумина мислеа дека Корал има корени од Балканот поради интересното презиме.
Сепак, нема потврда за дизајнерката која на Instagram ја следат речиси милион луѓе.
Да потсетиме, договорот на Роберто со Барселона истекува летово и тој сигурно нема да го продолжи, а како реална опција за 32-годишниот играч се споменува и заминувањето во МЛС.
Роберто и претходно добивал понуди од Саудиска Арабија кои ги одбил, но Шпанците пишуваат дека последнава е убедливо најсилна.
Инаку, Роберто израсна во младинскиот систем на Барселона и игра за првиот тим на каталонскиот клуб од трансферот во 2013 година.
