Поранешниот дефанзивец смета дека е време „Топчиите“ да го ослободат габонскиот голгетер бидејќи едноставно тој е премногу добар за да игра во паднатиот Арсенал.
Џејми Карагер целата кариера ја мина во редовите на Ливерпул и искусил многу различни сезони. Ситуацијата со Пјер-Емерик Обамејанг во Арсенал му е и тоа како позната бидејќи се соочил со слична и тоа во неколку наврати.
„Кон крајот на мојата кариера често пати бевме во ситуација кога бевме вон првите четири. Добро е да се потенцира дека се има правила и дека не се остава играчи да си заминуваат според Босман правилото, но доколку сум на местото на Микел Артета би размислил: 'Би имале ли повеќе шанси да се избориме за Лигата на шампиони ако Обамејанг остане по цена наредната година да го загубиме за џабе?'“, вели Карагер.
Арсенал мака мачи да се врати на позициите кои водат во Лигата на шампионите, а голгетер од калибарот на Обамејанг не сака да игра за клуб кој не е дел од нјадоброто континентално натпреварување.
„Тоа е одлука кога ќе треба да ја донесат. Во моментов, нема дилеми: Обамејанг е премногу добар за Арсенал. Тоа ни се случи неколку пати во Ливерпул со Луис Суарес и со неколку други играчи кои едноставно си очаен за да ги задржиш“, смета пензионираниот дефанзивец.
Обамејанг наредното лето ќе може без проблем да си замине од лондонскиот клуб бидејчи неговиот договор трае до јуни 2021 година. Токму затоа тренерот Артета размилсува дали летово да проба да заработи нешто на него или пак да го чува за тимот не биде ослабен.
„Си мислиш дека сакаш тимот да го градиш околу тој играч, па ако тој си замине имаш чувство дека треба да почнеш од почеток. Тоа е проблемот со кој се соочуваш кога се обидуваш да се вратиш помеѓу првите четити, нешто што Арсенал сега пробува да го направи“, рече Џејми за Sky Sports.
Арсенал е дури 9-ти на табелата во Премиер лигата со 8 бодиви заостанување зад Челси кој ја држи последната позиција која води во Лигата на шампиони.
