Легендарниот дефанзивец на Ливерпул со свој коментар за одбраната на тимот која синоќа имаше кошмарен ден примајќи 7 голови од Астон Вила, нетипично за тимот на Клоп.
„Речиси се смеев. Не можев да поверувам што гледам. Едноставно ваква одбрана не ве асоцира на овој тим на Ливерпул. Ова е шокирачки резултат, воедно и начинот на игра. Дефинитивно најлошиот натпревар под водство на Јирген Клоп, нема сомнеж во тоа“, раскажува во неверување Џејми Карагер.
„Се чини дека уште на почетокот Ливерпул не почна добро. Уште во почетните минути имаше опасност по нивниот гол, а интересно беше и да се чуе што рече Оли Воткинс, дека се концентрирале на дефанзивната линија на Ливерпул“. Воткинс беше стрелец на хет-трик синоќа.
„Според мене, иако Ливерпул има добра дефанзивна статистика, не ми се допаѓа тоа што пробуваат да го намамат противникот во офсајд. Не се согласувам со тоа“, вели Џејми кој во редовите на „Црвените“ мина 17 години од кои 10 како капитен.
„Кога противникот го матира твојот пресинг на средината и не е далеку од твојата дефанзивна четворка, мораш да се подготвиш да се повлечеш наназад. Не ми се веруваше кога го слушнав Вирхил ван Дајк како вели 'дечки, натпреварот е готов, 5:2 е, ајде да се повлечеме, да не направиме поголема беља'. И направија поголема беља“.
