Кошаркарот на Голден Стејт Вориорс, Стеф Кари, имаше осум успешни реализации за три поени во синоќешниот пораз на неговиот тим на гостински терен од Њу Орлеанс Пеликанс со што стана првиот играч во историјата на НБА лигата кој стигнал до бројката од 300 тројки во една сезона.
Кари натпреварот го заврши со 37 поени, додавајќи и девет скокови и две асистенции.
Важна победа во НБА лигата синоќа забележа тимот на Милвоки, кој со триумфот на домашен терен над Бруклин обезбеди пласман во плејофот.
Резултати од натпреварите во НБА лигата одиграни ноќта меѓу вторникот и среда:
Кливленд – Феникс 118:134 (по продолжение)
Детроит – Шарлот 99:102
Милвоки – Бруклин 124:118
Мајами – Далас 113:127
Њу Орлеанс – Голден Стејт 108:103
Оклахома – Сакраменто 99:103
ЛА Клиперс – Торонто 105:100.
