На социјалните мрежи се рашири фотографија на која шеици ја фотографираат Ивана Кнол со своите мобилни телефони. Сите ја забележаа задоволната насмевка на човекот кој посегна по мобилниот телефон. Сепак, малку поинакво објаснување за овој потег беше објавено на Twitter.
Истакнатиот катарски бизнисмен Мохамед Хасан Ал Џефаири смета дека мажот на трибините ја фотографирал Кнол затоа што не му се допаднало како е облечена.
„За да дознаете, не ја фотографираа затоа што им е убава, туку затоа што не им се допадна како е облечена, што е неприфатливо за нашата култура. Секој локален жител може да ви го каже тоа. Тие веројатно сакаат да ја пријават“, напиша тој.
Со него се сложија голем број негови следбеници, но неколку од нив застанаа во одбрана на Ивана и напишаа дека од изразите на нивните лица се гледа дека Кнол воопшто не им пречела.
Најпознатата хрватска навивачка Ивана Кнол деновиве привлекува внимание на трибините на стадионот во Доха. Навивачката на „огнените“ деновите ги минува во Катар за да ја бодри хрватската репрезентација, а за кратко време стана толку популарна што за неа се пишуваше дури и во светските медиуми.
Инаку, Ивана е една од најатрактивните фудбалски навивачки на денешницата, а британски The Sun, американски New York Post и австриски Heute се само дел од светските медиуми кои напишаа текст за нејзиното присуство на првенството.
