Католичката црква е сѐ позагадена: Десетици илјади случаи на сексуална злоупотреба на деца ширум светот

Католичката црква ја тресат низа скандали со сексуална злоупотреба на деца. Неодамна во Франција, шефот на независната истрага за сексуално злоставување на деца во црква рече дека веројатно има до 10.000 жртви од 1950 година.

Еве ги најшокантните случаи во светот, во прегледот на AFP.

САД

Во февруари 2019 година, папата Франциск по првпат за Римокатоличката црква екскомуницираше поранешен кардинал по такви обвинувања. Американецот Теодор Мекарик (88) пред 50 години сексуално нападнал тинејџер. Големата истрага на епархијата, објавена во 2018 година, фрли светло врз сексуалното насилство, систематски маскирано од црквата за „повеќе од 300 свештеници-насилници“. Беа цитирани над 1.000 деца жртви. Американскиот кардинал Доналд Вурл, обвинет за прикривање на злоупотребите, поднесе оставка. Помеѓу 1950 и 2016 година Американската католичка црква примила 18.500 претставки против 6.700 духовници, според bishop-accountability.org. Неколку високи членови на црквата во САД беа принудени да дадат оставка поради одбрана на сексуалните престапници, вклучувајќи го и покојниот кардинал Бернард Лоу.

Чиле

За време на посетата на Чиле во 2018 година, папата Франциск ги разгоре контроверзите со поддршка за епископот Хуан Барос, обвинет за прикривање на свештеникот – насилник Фернандо Карадима во 80-тите и 90-тите години на минатиот век. Франциск подоцна се извини и покани некои жртви во Рим, а ги повика и сите чилеански бискупи кои подоцна поднесоа оставки. Папата прифати некои од нив, вклучително и од Барос и архиепископот во Сантјаго, кардиналот Рикардо Ецати.

Во октомври 2018 година, чилеанскиот суд ја осуди црквата да плати 450 милиони пезоси (671.000 американски долари) како компензација на три жртви на сексуално злоставување од страна на поранешен свештеник.

Австралија

Поротниците во Мелбурн го прогласија кардинал Џорџ Пел (77) во 2018 година за виновен за сексуален напад и за четири обвинувања за недолично однесување кон две момчиња во катедралата Свети Патрик во Мелбурн во 90-тите години на минатиот век. Пел беше ослободен од затвор во април 2020 година откако Врховниот суд ја укина казната. Во 2018 година, Ватикан објави заминување на Филип Вилсон, архиепископот во Аделаида, прогласен за виновен затоа што не ги пријавил обвиненијата против озлогласениот сексуален насилник Џим Флечер во 1970-тите. Вилсон беше осуден на една година затвор, но казната беше поништена во Апелација.

Германија

Стотици случаи на сексуална злоупотреба на малолетни лица во верски институции се регистрирани во Германија од 2010 година. Насилници од највисок ранг вклучуваат Језуитски колеџ Канисиус во Берлин и хорот во Регенсбург, Јужна Германија. Во вториот случај, се тврди дека најмалку 547 деца биле жртви на напади, вклучително и силување, помеѓу 1945 и 90-тите. Во 2018 година, Германската епископска конференција објави извештај во кој се наведува дека 1.670 духовници извршиле некаков сексуален напад врз 3.677 малолетни лица, главно момчиња, помеѓу 1946 и 2014 година. Повеќето не се казнети.

Ирска

Обвиненијата за сексуални престапи во ирските католички институции датираат со децении наназад, а бројот на малолетнички жртви се проценува на 14.500 лица. Казнети се неколку епископи и свештеници обвинети за прикривање злоупотреби.

За време на неговата посета на Ирска во 2018 година, папата се сретна со жртва на католичкиот свештеник Тони Волш, кој повеќе од две децении сексуално злоупотребуваше деца пред да биде екскомунициран и затворен.

Франција

Во 2019 година, францускиот суд го осуди кардиналот Филип Барбарин, надбискуп во Лион, на шестмесечна условна казна за прикривање на свештеникот Бернар Прајен, обвинет за напад на 70 извидници помеѓу 1986 и 1991 година. Пресудата беше поништена во Апелација во 2020 година, но папата ја прифати неговата оставка. Во 2020 година, Прајен доби петгодишна затворска казна. Случајот е предмет на филмот „Со милоста Божја“, кој ја освои наградата на жирито на Берлинскиот филмски фестивал во 2019 година.

реклама

Ќе пукне ли? Русите распоредија војска, Америка испрати два воени брода

Read more

Се појави нов опасен тренд

Read more

Дали можете да пиете андол и аспирин откако сте примиле вакцина AstraZeneca?

Read more

Милијарда долари за да може Ever Given да излезе од Суецкиот Канал

Read more

Свет

Ќе пукне ли? Русите распоредија војска, Америка испрати два воени брода

Read more

Никогаш немало толку многу кокаин во Европа како сега

Read more

Првпат во историјата жена е главен уредник на Reuters

Read more

Тедрос: COVID-19 за неколку месеци може да се стави под контрола

Read more
 

Вести

Судот одреди 30-дневен притвор за Сашо Мијалков

Читај повеќе

Хераклеја Линкестис си го добива назад Римскиот пат

Читај повеќе

Обвинителството бара притвор за Мијалков: Тој е моќен човек

Читај повеќе

Поголем број на хоспитализации во текот на вчерашниот ден, ситуацијата е сериозна

Читај повеќе

Мијалков осуден на осум години затвор за „Трезор“

Читај повеќе

Ќе пукне ли? Русите распоредија војска, Америка испрати два воени брода

Читај повеќе

Агент за недвижнини оштетил потенцијални купувачи за 32 илјади евра

Читај повеќе

Се појави нов опасен тренд

Читај повеќе

Никогаш немало толку многу кокаин во Европа како сега

Читај повеќе