Ќе пукне ли? Русите распоредија војска, Америка испрати два воени брода

Два американски воени брода треба да пристигнат во Црното Море неделава, што е знак на поддршката што администрацијата на претседателот Џо Бајден ѝ ја дава на Украина.

Сѐ повеќе се стравува дека рускиот претседател Владимир Путин размислува за напад врз рускиот сосед.

Кремљ го следи најголемото распоредување на руски сили, тенкови и ракети долж границата со Украина од анексијата на украинскиот полуостров Крим во 2014 година, соопштија украински и американски официјални лица.

Русија спроведе најмалку три воени вежби долж украинската граница од средината на март досега.

Минатата недела, за прв пат од преземањето на претседателската функција, Бајден телефонски разговараше со неговиот украински колега Володимир Зеленски. Според изјавата на Белата куќа, „тој ја потврди силната американска поддршка за украинскиот суверенитет и територијалниот интегритет во однос на продолжувањето на руската агресија во Донбас и Крим“.

Испраќањето воени бродови во Црното Море треба да ја истакне таа поддршка.

Судирите меѓу украинските сили и проруските бунтовници во украинската област Донбас ескалираат од крајот на јануари, а високиот официјален претставник на Кремљ Дмитриј Козак предупредува дека целосната ескалација на конфликтот најверојатно ќе претставува „почеток на крајот“ за Украина И Киев, а западните земји оценија дека изјавата на Козак претставува закана.

Дмитриј Песков, портпарол на Кремљ, ги оспори наводите за трупање сили, но пред новинарите во Москва изјави дека Русија има право „да ги премести своите вооружени сили преку нејзината територија“. За време на неговата посета на Донбас минатата недела, украинскиот претседател зборуваше за „голема ескалација“.

Во саботата во регионот загина украински војник, а еден е повреден, соопштија украинските воени претставници. Ова е четврта украинска жртва на борбите во Донбас само овој месец. Украинците соопштија дека војникот бил убиен откако проруските сили отвориле оган со автоматски фрлачи на гранати и минофрлачи од 82 милиметри, што се забранети со мировниот договор од Минск, договор потпишан во 2014 година, кој често се крши.

Од почетокот на 2021 година, 26 украински војници се убиени во Донбас, иако некои загинаа во инциденти кои не беа поврзани со конфликтите. Четворица украински војници беа убиени во нападот на проруските сили на 26 март.

Украинските сили и проруските сепаратисти се борат за контрола врз источна Украина од руската анексија на Крим, а во конфликтот загинаа повеќе од 14.000 луѓе.

Од победата на претседателските избори во 2019 година, Зеленски побара нова рунда мировни разговори со вклучување на западните лидери. Набргу по изборите, тој упати директен апел до Путин: Дали треба да разговараме? Да. Ајде да го направиме тоа."

Подоцна истата година, Кремљ и Киев постигнаа договор за размена на затвореници, што предизвика надеж за мировен договор што ќе го запре седумгодишниот конфликт меѓу Украина и проруските сепаратисти, кои имаат поддршка од руските сили.

Некои од противниците на Зеленски стравуваа дека неговите мировни напори може да доведат до воспоставување постојана руска енклава во источните провинции Доњецк и Луганск. Сепак, Зеленски не попушта кога станува збор за прашањето на украинскиот суверенитет над Донбас и одбива да прифати, како што тврди, руски лажни тврдења за тоа кој владее со проруските сепаратисти.

Некои аналитичари проценуваат дека неодамнешните потези на руската војска се знак дека Москва е незадоволна од Зеленски, кој исто така започна акција против сојузниците на Кремlin во Украина, вклучително и политичарот, тајкун и ТВ магнат Виктор Медведчук, пријател на рускиот лидер.

Медведчук и неговата сопруга се обвинети за финансирање на самопрогласените републики во источна Украина со пари од фабрика за нафта во Русија. Украинските власти го замрзнаа неговиот имот.

Голема ескалација?

Сепак, аналитичарите се поделени околу прашањето која е целта на акумулацијата на руските сили и дали Путин навистина има намера да започне воена офанзива или само да ја тестира определбата на Западот и Зеленски.

„Голема инвазија на конвенционалните сили би претставувала многу значајна ескалација на седумгодишната кампања на агресија на Русија против Украина“, рече Питер Дикинсон од американскиот Атлантски совет.

„Откако избувна конфликтот во источна Украина во 2014 година, Кремљ се обиде да ја задржи илузијата дека не е одговорен со распоредување на ограничен број конвенционални трупи со хибридни сили составени од платеници, волонтери и локални соработници. Ако бидат ангажирани руски воени единици кои се трупаат во близина на Украина, тоа би означило потпполно нова фаза од конфликтот што би имала сериозни последици по меѓународната безбедност “, напиша Дикинсон во последното издание на билтенот Ukraine Alert.

Некои западни дипломати и аналитичари се вознемирени од воспалителната реторика на претставниците на Кремљ, заедно со начинот на кој руските медиуми, кои ја контролираат државата, известуваат за кризата. Според извештаите на руските медиуми, Киев планира офанзива во Донбас, а се пренесуваат и изјавите на Козак, кои сугерираат дека можно е Украина да планира етничко чистење во тој регион. Песков минатиот петок рече дека Кремљ стравува од продолжување на целосните судири во источна Украина и е подготвен да ги заштити руските цивили во Донбас. Украинските воени претставници ги отфрлија руските тврдења дека армијата планира напад на исток и го обвинија Кремљ дека бара изговор за да започне офанзива.

„Сè укажува на тоа дека Русија се подготвува за воен упад во Украина. Путин секогаш ги држи отворени сите опции, но воените потези и пропагандата на Кремљ укажуваат на тоа дека руската воена агресија е близу“, напиша на Twitter Андерс Аслунд, висок соработник на Атлантскиот совет и автор на книгата „Russia's Crony Capitalism“.

Сепак, други аналитичари и дипломати сметаат дека Кремљ потпалува бурни реакции поради Донбас, повеќе од домашни отколку од меѓународни причини, и дека Путин се обидува да ги одвлече граѓаните од барањето за ослободување на опозицискиот лидер Алексеј Навални, чија здравствена состојба наводно се влошува во затворот .

Тие посочуваат дека распоредувањето воени сили може да биде дел од изборната стратегија пред парламентарните избори во Русија во септември. Популарноста на Путин опаѓа, а неговата партија „Единствена Русија“ може да има лош резултат на изборите. Аналитичарите проценуваат дека предизвикувањето на вонредна состојба, без водење целосна војна, може да ги подобри изгледите за партијата на Путин и да и овозможи да го искористи бранот на патриотизам.

Тарас Кузио, академик на Националниот универзитет во Киев, не верува дека Кремљ ја подготвува Русија за целосна инвазија на Украина „затоа што тоа ќе доведе до долга војна и целосен колапс на односите на Русија со Западот“.

Сепак, Кузио не ја исклучува можноста Кремљ да сака краток, но ограничен конфликт и сугерира дека Москва размислува да ги повтори настаните од Грузија во 2008 година, кога тогашниот претседател Михаил Саакашвили одговори на провокација од Јужна Осетија и интервенираше, што доведе до руски вооружени интервенции.

реклама

Како изгледаат првите Viber стикери со македонски знаковен јазик?

Read more

Ненаситни за секс: Хороскопски знаци со најсилно либидо

Read more

Русија официјално ги прогласи САД и Чешка за непријателски држави

Read more

Какви промени да очекувате ако трчате редовно цел месец?

Read more

Свет

Новинарка во живо од бомбардирање во Газа: О Боже, морам да се тргнам!

Read more

Русија официјално ги прогласи САД и Чешка за непријателски држави

Read more

Фатен на камера – моментот на бомбардирање зграда во Газа

Read more

Москва ги замрзна банкарските сметки на Радио Слободна Европа/Радио Слобода

Read more
 

Вести

КОВИД биланс: 112 нови случаи од 4.196 тестирања

Читај повеќе
  • play_arrow

Новинарка во живо од бомбардирање во Газа: О Боже, морам да се тргнам!

Читај повеќе

Почнува вакцинацијата на пациенти со трансплантиран бубрег и кои одат на дијализа

Читај повеќе

Русија официјално ги прогласи САД и Чешка за непријателски држави

Читај повеќе

Претрес во Гази Баба, приведен дилер на дрога

Читај повеќе

Има повеќе слободни кревети од КОВИД пациенти на инфективните одделенија

Читај повеќе

Филипче: Верувам дека Заев повторно ќе го направи најдобриот тим

Читај повеќе
  • play_arrow

Фатен на камера – моментот на бомбардирање зграда во Газа

Читај повеќе
  • play_arrow

Напад врз медиумски работник да се третира како напад врз службено лице

Читај повеќе