Конечно е пронајдено телото на поранешниот кечер Шад Гаспард, кој исчезна додека пливаше со 10-годишниот син. Неговото тело е пронајдено на плажа во Калифорнија.
Три дена по исчезнувањето забележано е телото на поранешниот кечер Шад Гаспард. Со идентификација е потврдено дека станува збор за Гаспард кој исчезна откако беше зафатен од силни струи додека пливал со десетгодишниот син.
39-годишниот Гаспард успеал да го спаси синот и да го предаде на спасувачите, но потоа исчезнал во водите. Спасувачите не можеле да го пронајдат кечерот иако истрагата била детална и траела подолго од 16 часа. Неговото тело се појави вчера на плажа.
Бројни колеги и пријатели се збогуваа со кечерот на социјалните мрежи.