Напаѓачот Хари Кејн ќе го пропушти почетокот на сезоната во Премиер лигата без оглед во кој клуб игра. Тотенхем ќе игра со Манчестер Сити во првото коло од англискиот шампионат и, најверојатно, Кејн нема да учествува на овој натпревар.
Како дел од репрезентацијата на Англија, фудбалерот стигна до финалето на ЕУРО 2020, па ќе добие дополнително време за одмор, пишува Telegraph.
За потсетување, Кејн сака да се пресели од Тотенхем во Манчестер Сити, но лондонскиот клуб сè уште не го пушта да замине.
Минатата сезона, Англичанецот, кој во средата наполни 28 години, одигра 35 натпревари во Премиер лигата, постигна 23 гола и направи 14 асистенции.