Обраснат со вегетација и затрупан со земја, кејот на Вардар среде Скопје крие калдрма која конечно излегува на виделина.
Откако на Град Скопје му текна да го исчисти кејот на реката која ја дели на два дела македонската престолнина, отстранувањето на натрупаниот слој земја и густата вегетација откри убава калдрма од мали коцки, заборавена којзнае од кога.
Екипи на Комунална хигиена изминативе неколку дена работат на расчистување на заборавениот кеј. Скопјани ќе си ја добијат назад калдрмата која го краси кејот на Вардар по која конечно ќе можат да пешачат откако со години беше обрасната и затрупана.
Веројатно помладите генерации скопјани не ни знаат за оваа патека.
Ова чистење не треба да биде инцидентно, туку во иднина да не се дозволи патеките на кејот повторно да се затрупаат.
Делува небаре е археолошка ископина.
Фото: Град Скопје
