Келимуту е мал вулкан кој се наоѓа на индонезискиот остров Флорес. На кратерот на овој вулкан има три езера со различна боја. Иако го делат врвот на истиот вулкан и се наоѓаат едно до друго, езерата ја менуваат бојата – од црвена и кафеава, до тиркизна и зелена.
Благодарение на специфичните бои на езерото и густата магла околу врвот, Келимуту се смета за свето место, а локалните жители веруваат дека душите на мртвите луѓе заминуваат во едно од тие 3 езера- во зависност од тоа како се однесувале на Земјата.
Езерата се викаат: Tiwi Ata Mbupu(езеро на старите луѓе), Tiwu Nua muri Kooh Tai(езеро на млади луѓе) и Tiwu Ati Polo(езерото на лошите духови).
Науката вели дека нема ништо натприродно ниту мистично во овие езера. Тие ги менуваат боите според хемиските реакции коишто произлегуваат од минералите коишто се содржат во езерото.