Иванка Трамп присуствуваше на вечерата во Националниот музеј за градежништво во Вашингтон, која се одржа ден пред инаугурацијата на нејзиниот татко, Доналд Трамп.
Иванка за оваа свечена пригода избра долг фустан од престижниот бренд Oscar de la Renta, кој беше украсен со бројни кристали и бисери во облик на цветчиња. Фустанот одлично го истакна нејзиниот елегантен стил, а нејзиниот избор на облека го привлече вниманието на сите присутни.
На настанот, на Иванка ѝ се придружија голем број познати личности, меѓу кои и Илон Маск и Џеф Безос. Магазинот Daily Mail пишува дека во еден момент Иванка ја прегрнала свршеницата на Безос, Лорен Санчес.
На вечерата присуствуваше и братот на Иванка, Доналд Трамп Џуниор, кој дојде со својата девојка Бетина Андерсон. На настанот се појави и неговата поранешна свршеница Кимберли Гилфојл.
Иако фустанот што го избра Иванка не беше премногу екстравагантен во дизајнот, неговата симболика предизвика големо внимание, особено во светло на политичките околности. Брендот Oscar de la Renta беше на удар на критики од одредени групи поради тоа што го дизајнирал фустанот на Иванка Трамп, која беше блиска до политичките кругови на нејзиниот татко.
На социјалните мрежи се појавија бројни негативни коментари во кои корисниците го обвинуваат брендот дека го поддржува „фашизмот“ поради поврзаноста со семејството Трамп.
Многумина повикаа на бојкот на оваа модна куќа, а некои изразија желба јавните личности, како пејачката Тејлор Свифт, да престанат да ги носат креациите на Oscar de la Renta поради нивната политичка поврзаност.
Митингот во неделата беше последниот настан на Трамп пред тој официјално повторно да стане претседател на САД. По тој повод, Доналд Трамп изјави дека неговата инаугурација ќе го означи крајот на „четири години американски пад“ и ќе донесе „нов ден на американската сила, просперитет и гордост“.
