Рускиот ММА борач Хабиб Нурмагомедов е еден од најпопуларните борачи во историјата на лесна категорија, со скоро 29 победи и 0 порази.
Неговиот менаџер Али Абделазиз неодамна се појави во подкаст и зборуваше дека Хабиб одбил борби со Џорџ Сент Пјер и Флојд Мејведер.
Иако му била понудена голема сума пари, тој не сакал да се врати во тој свет.
„Пред десетина дена ми се јави Дејна и ми рече дека Џорџ е подготвен да се бори со Хабиб во велтер категорија и дека појасот не е вклучен. Хабиб не се согласи, среќен е во пензија. Знаете, тој одби 100 милиони долари за борба со Флојд Мејведер. Прашајте го Флојд. Всушност, прашајте кого било од тој спорт, Хабиб рече дека ќе го одржи ветувањето што го даде на мајка му и дека повеќе нема да се враќа. Таков човек е Хабиб Нурмагомедов“, изјави Али Абделазиз.