УФЦ ѕвездата најавува фудбалска кариера, дали на шега или не, останува да видиме.
Откако по две рунди го победи Американецот Џастин Гејџи за 29-та победа по ред во ММА, 32-годишниот Русин одлучи дека му е доста тепачки и реши да се пензионира.
„Се подготвувам за моето фудбалско деби. Слободен играч сум и сум подготвен да прифатам понуди“, напиша Нурмагомедов на својот Instagram профил објавувајќи и видео на кое трча на песок.
Доби и коментар од Team Russia, oдносно официјалниот профил на фудбалската репрезентација на Русија, кој едноставно вели „Те чекаме😉🔝“.
Хабиб е етнички Дагестанец, па ситуацијата ја искориски и рускиот прволигаш од Дагестан, Анжи, кој преку својот официјален профил му порача: „🦅Хабиб ➕ 🔰 Анжи = Дагестан шампион💛💚“, како и „Тимот од родниот крај има потреба од вакво засилуивање! Многу ветувачки спортист💛🦅💚“
Што мислите, каков би бил Хабиб на зелениот терен? Ние го замислуваме нешто измеѓу Марко Матераци, Јап Стам и Џенаро Гатузо, осносно играч од кој противниците бегаат подалеку.