Иако се повлече поранешниот УФЦ шампион Хабиб Нурмагомедов има голем број верни обожаватели, а меѓу нив е и една жена на која ѝ го разубави роденденот.
УФЦ на Twitter и на Instagram објави видео кое прикажува повозрасна жена пред UFC Apex центарот во Лас Вегас како го чека Нурмагомедов и покрај високите температури од 40 степени.
Во рацете жената држи транспарент на кој пишува „Хабиб, те молам застани за фотографија“.
„Многу го сакам, само сакам и лично да го запознам“, вели 66-годишната жена со надеж дека ќе го види Хабиб и ќе се фотографира со него.
Нејзината желба се исполни бидејќи видеото ги прикажува нејзиниот разговор со Дејна Вајт, кој вети средба со легендарниот борец.
Таа му го даде телефонскиот број за да се чујат по договорот со Хабиб. Првиот човек на УФЦ го исполни ветувањето, доказ е нејзината фотографија со Хабиб објавена на социјалните мрежи.