Седумкратниот светски шампион во Формула 1 Луис Хамилтон смета дека овој спорт стана „клуб на синови на милијардери“ и дека во иднина мора да биде подостапен за секого.
Хамилтон рече дека, поради фактот што Формула 1 станала „клуб на синови на милијардери“, тој дефинитивно ќе остане без шанса да си ја гради кариерата.
Неговиот почеток не беше лесен, татко му работел четири работи за да може да го финансира додека возеше картинг, а благодарение на големите напори го заработи договорот што го доби од Мекларен на само 13 години. Токму програмата на Мекларен го претвори во најподготвен дебитант во историјата на Формула 1.
„Живееме во време кога сето ова стана клуб на милијардери. Ако се вратиме таму каде што јас растев, во нормално семејство од работничка класа, нема да имам шанси да стигнам до овде. Никако. Сите момци со кои се ‘борите’ имаат многу повеќе пари. Во иднина, треба да го смениме тоа, за да ја направиме Формула 1 подостапна за оние со ‘понормално’ потекло“, рече Хамилтон.
Возачите Ленс Строл, Николас Латифи и Никита Мазепин се синови на милијардери, додека Макс Верстапен и Мик Шумахер се синови на поранешни шампиони во Формула 1.
Хамилтон и Мерцедес основаа фондација за да се обидат да привлечат повеќе луѓе од малцинските групи во светот на мотоспортот.
