Пилотот на Мерцедес, Луис Хамилтон, ја коментираше постапката на тркачите во Формула 1 против расизмот, пред стартот на австриското Гран при. Четиринаесет од вкупно дваесетте тркачи клекнаа.
Сите до почетното место дојдоа во маици со натписи „End Racism“ (Крај на расизмот), а Хамилтон на својата маичка носеше „Black Liver Matter“ (Црните животи се важни).
– На крајот на краиштата, никој не смее да биде присилен во сценарио во кое треба да клекне. Никогаш не прашав, а уште помалку барав некој да го стори тоа. Јас сум навистина благодарен на оние што клекнаа со мене. Мислам дека ова е сè уште моќна порака, но нема да го промени светот без разлика дали сте клекнале или не. Проблемот е многу поголем, истакна Хамилтон.
Тој е единствениот со темна боја на кожата од сегашните пилоти во Формула 1.
