Британскиот возач на Формула 1, Луис Хамилтон потпиша нов двегодишен договор со Мерцедес и ќе остане во овој тим најмалку од 2023 година.
Претходниот договор Хамилтон го потпиша во февруари оваа година, но тој важеше само една година.
Последните месеци се зборуваше многу за нов договор за британскиот возач и актуелен шампион во Формула 1, а на крајот тој го исполни ветувањето и не дозволи темата да се одолговлекува во текот на целата сезона, туку веднаш потпиша продолжување.
„Тешко е да се поверува дека работам со овој неверојатен тим скоро девет години и возбуден сум што ќе го продолжам партнерството уште две години. Ние веќе создадовме многу заедно, но имаме уште многу да направиме , на патеката и надвор од неа“, рече Хамилтон и продолжи:
„Горд сум и благодарен за тоа како ме поддржа Мерцедес во мојата желба да ги подобрам различностите и еднаквоста во нашиот спорт.“
Хамилтон во моментов е втор во генералниот пласман во Формула 1 со 138 поени, што е за 18 помалку од возачот на Ред Бул, Макс Верстапен.
