Во пресрет на неговата 300-та Ф1 трка, која ќе ја вози во Франција, Луис Хамилтон се осврна на своите најголеми ривали, а како најтежок противник го издвои Фернандо Алонсо, кој му беше тимски колега во неговата прва Ф1 сезона во Мекларен во 2007 година.
Хамилтон го имаше своето деби за Мекларен во 2007 година, истата година кога во тимот пристигна актуелниот двоен светски шампион од 2005 и 2006 година, Алонсо, кој потпиша за Мекларен на крајот на 2005 година додека сè уште имаше важечки договор со Рено, пренесува.
Алонсо и Хамилтон имаа голема пресметка цела сезона, а дополнителна драма донесе шпионскиот скандал во кој Мекларен поседуваше доверливи технички документи за болидот на Ферари F2007.
И додека Алонсо и Хамилтон се бореа за превласт во Мекларен и си крадеа бодови, шампионската титула ја освои Кими Раиконен со Ферари, иако на две трки пред крајот заостануваше 17 бодови со максимални 20 што можеа да се освојат.
„Мислам дека е тешко да се каже кој бил најсилниот противник бидејќи секој пат кога се борите со некој друг сте и во различна фаза од животот“, изјави Хамилтон пред француското ГП.
„Се сеќавам кога бев со Фернандо кога имав 22 години. Психички бев многу млад, добар во однос на вештините, но да се соочам со гигант како Фернандо беше голем притисок“.
„Во однос на чистата брзина, би рекол дека Фернандо беше најтежок. Имавме добри борби. Би сакал да има повеќе. Се надевам дека ќе продолжи да се трка за да можеме да имаме повеќе во иднина“.
Тензијата меѓу Хамилтон и Алонсо го достигна пикот во Унгарија кога Хамилтон не го почитуваше редот на Алонсо да биде прв на патеката во третата квалификациска сесија, на што Алонсо возврати со задржување на Хамилтон за да го спречи Британецот да го направи последниот Q3 круг.
Набргу потоа, Алонсо, поради распадот на односите со тимскиот шеф Рон Денис, на ФИА ѝ ги издаде сите детали од скандалот со шпионажа во замена за имунитет, а Мекларен остана без сите конструктори.
Алонсо се врати во Рено во 2008 година, каде помина две сезони пред да се пресели во Ферари во 2010 година, каде што помина пет сезони, трипати завршувајќи на второто место зад Фетел, проследено со враќање во Мекларен (2015-2018), две години одмор од Ф1 пред да се врати во Алпин во 2021 година.
„Тој имаше талент во 2007 година, а го има и сега со сето тоа искуство“, рече Алонсо за Хамилтон.
„Тој е исклучителен возач, легенда на нашиот спорт, па секогаш ми беше задоволство да го споделам сето ова време со него“.
„Тогаш (во 2007 година, заб. на прев.) веројатно никој не мислеше дека некој ќе може да освои седум титули како Михаел (Шумахер). Патувањето беше неверојатно.”
„Тимот што го изградија во Мерцедес во текот на сите тие години е неверојатен. Честитки за вашата 300-та трка“.
