За единицата на Интер рестартот на сезоната во Лига Европа е шанса тимот конечно да дојде до трофеј, прв интернационален по 10 години.
Откако ја освои Лигата на шампиони и Светското клупско првеснтво во 2010 година, Интер нема освоено трофеј надвор од Италија. Всушност, ни во Италија не може да се пофали со многу титули бидејќи последната ја освои во 2011 и тоа Копа Италија.
Вечерва продолжува прекинатата сезона во Лига Европа, а „Нераѕурите“ ќе играат против претставникот од Ла Лига, Хетафе.
„Ова е важно натпреварување и знам дека сите екипи ќе влезат мотивирани бидејќи е голема шанса за сите. Мислам дека ние се движиме во вистинскиот правец, физички и ментално и сме подготвени да дадеме сѐ од себе. Не би знаел колку далеку тоа може да нѐ однесе, но сите мора да бидат свесни дека сме тука, дека сме подготвени и дека сакаме да одиме до крај“, вели Самир Хандановиќ, голманот на миланската екипа.
Словенецот е на голот на Интер од 2012 година. Сезонава на вкупно 44 натпревари во сите натпреварувања прими исто толку голови, а на 14 ја зачува мрежата незатресена. По корона-паузата, одбраната на Интер често киксираше и лесно примаше голови, но во последните 4 натпревари не прими ниту еден гол.
„Нашата најсилна страна е што одбраната делува навистина цврсто, физички и ментално. Тоа го покажавме на последните неколку натпревари, но таа цврстина беше во нас и претходно. Целиот тим цели кон тоа да не прима голови. И, како и секогаш, трениравме напорно како тим, заедно, така и станавме посилни. Направивме една лукавост на терен која ќе биде круцијална во Лига Европа“, вели тој.
Со оглед на новонастаната ситуација сезонава, Интер и Хетафе ќе одиграат само еден осминафинале натпревар, наместа традиционалните два дома и гости. Вечера ќе се игра на неутрален терен во Гелзенкирхен, на „Фелтинс-Арена“, домот на Шалке 04.
Хандановиќ сѐ уште нема освоено трофеј со Интер.