Во близина на железничката станица во Франкфурт утринава се случи напад со нож во кој се повредени најмалку три лица.
Напаѓачот е маж кој со нож нападнал повеќе луѓе, а веќе е уапсен од полицијата, пренесе AP. Според првичните сознанија, осомничениот дејствувал под влијание на дрога, пишува британскиот Express.
Локалната полиција на Twitter објави дека никој од повредените нема повреди опасни по живот. Полицијата не објави детали за напаѓачот, ниту прецизираше колку лица се повредени. Според локалните медиуми, повредените лица се пренесени во блиската болница.
Полицијата продолжува со испрашување на сведоците на настанот. Мотивите за нападот се непознати, но не е исклучена можноста за терористички напад.