Стотина демонстранти вчеравечер излегоа на улиците на Неапол и се соочија со полицијата поради воведување на полициски час и најавениот карантин.
Полицискиот час стапи во сила вчера во 23 часот, а граѓаните излегоа да протестираат откако претходно се организираа преку социјалните мрежи.
Демонстрантите носеа транспаренти на коишто пишуваше „Слобода“ и „Ако нè затворите, мора да ни платите“.
Repubblica наведува дека во текот на демонстрациите се оштетени паркирани автомобили и уништени контејнери. Има повредени луѓе, но не се знае колку точно и за какви повреди станува збор.