Кошаркарот на Филаделфија 76ерс, Џејмс Харден, ќе остане во НБА-лигашот до јуни 2024 година, соопшти денеска неговиот клуб.
Харден стави потпис на продолжување на соработката за две години и за тоа ќе заработи 68,6 милиони долари.
Харден следната сезона ќе заработи 33 милиони долари, а доколку одлучи да го испочитува договорот и да остане уште година во клубот ќе инкасира уште 35,6 милиони долари.
„Тука сакам да победувам и мислам дека ги имаме сите делови да стигнеме до таа цел. Од првиот ден во оваа организација, тимот и навивачите ми помогнаа да се чувствувам како дома. Возбуден сум да продолжиме да се надградуваме на минатата сезона. Едвај чекам да излезам на теренот и да го почнам ова патување“, порача Харден за официјалната клупска веб-страница.