Тимот на Бруклин Нетс ноќеска по четврти пат славеше над Бостон Селтикс и прв пат по 7 години се најде во четвртфиналето од НБА плеј-офот.
На крилјата на расположрениот Џејмс Харден, Нетс уште во првата четвртина покажаа дека овој натпревар ќе заврши со нивна победа која гласеше 123:109. Харден на крајот прослави трипл-дабл со 34 поени и по 10 скокови и асистенции, а имаше поддршка и од Кајри Ирвинг кој запиша 25 поени. Во поразениот табор Џејсон Тејтум запиша 32 поена.
Со оваа победа Бруклин по 5 партии стави крај на серијата подобар од 7 бидејќи има недостижни 4-1.
Денвер Нагетс по продолженија го совлада Портланд Треил Блејзерс со 147:140 (121:121) и поведе со 3-2 во партии, додека Феникс Санс славеше над Лос Анџелес Лејкерс со 115:85 за, исто така, 3-2 во партии.
