Хелиф освои олимписко злато: Овој медал има посебен шарм затоа што ме мразат, а не знам ни зошто

Алжирската боксерка Иман Хелиф, која е една од главните теми на актуелните Олимписки игри во Париз, синоќа го освои златниот медал победувајќи ја Кинезинката Љу Јанг, а по борбата испрати силна порака до светот.

Многумина ја обвинија Хелиф дека е маж, иако биолошки е жена, но според првиот човек на Меѓународната боксерска федерација (IBA), таа има вишок тестостерон и машки XY хромозоми.

IBA ja суспендираше, но Меѓународниот олимписки комитет донесе поинаква одлука и ѝ дозволи на Хелиф да се натпреварува во Париз.

По синоќешната победа над Љу Јанг со одлука на судиите со 5-0, Хелиф на прес-конференцијата изјави дека медалот има посебно значење за неа токму поради сите обвинувања со кои се соочи во изминатите неколку дена.

<

„Овој медал има посебен шарм поради сите напади со кои се соочив. IBA ме мрази, иако добро ме познаваат. Тие знаат како се подобрував со текот на годините, но не знам ни зошто ме мразат“, рече 25-годишната Хелиф, додавајќи:

„Мојата порака до целиот свет е дека треба да се посветите на олимписките принципи и да избегнувате малтретирање и пораки со омраза. Сите ние сме на ова натпреварување за да настапиме како спортисти и најискрено се надевам дека нема да видиме слични напади во иднина“, изјави новата олимписка шампионка во категоријата до 66 килограми.

 

 

 

 

View this post on Instagram

 

 

 

 

 

 

 

 

 

 

 

A post shared by Imane Khelif | إيمان خليف 🇩🇿 (@imane_khelif_10)