Минијатурниот хеликоптер Ingenuity успешно изврши и трет лет на Црвената планета, овој пат во времетраење од 80 секунди.
Според податоците на НАСА, хеликоптерот се вивна до висина од околу 5 метри, а потоа изведе страничен маневар од 50 метри, а во воздух мина 80 секунди по што се врати на почетната позиција.
Неделниот лет беше најамбициозниот досега, но инженерите велат дека ќе се обидат да постигнат уште подобри резултати, пренесе BBC.
Во иднина вакви хеликоптери би можеле да се користат за извидување терени пред испраќање на ровери и астронаути во вселената, но и за истражување на тешко пристапни терени.
