Најпријатното изненадување во италијанскиот фудбал оваа сезона, тимот на Аталанта, синоќа забележа уште еден убедлив триумф совладувајќи ја Бреша со 6:2.
Дваесет и петгодишниот Хрват Марио Пашалиќ го постигна првиот хет-трик, а останатите голови беа на Дуван Сапата, Руслан Малиновскиј и Мартен де Рон.
За тимот од Бергамо ова беше 21 победа на 33 натпревари во Серија А.
Аталанта во моментов е втора на табелата со 70 бода, шест помалку од лидерот Јувентус и два повеќе од Интер и Лацио.
Конкурентите на Аталанта за највисок пласман, своите средби од 33. коло ќе ги играат денес и утре.