BMW наскоро ќе ја претстави најмоќната верзија на моделот X8 вклучувајќи ја и хибридната верзија М која ќе биде најмоќниот модел во историјата на германската компанија.
Иако се сметаше дека X8 ќе има ист дизајн како помалиот модел Х6, фотографиите покажуваат дека новиот автомобил ќе има понизок кров во однос на Х7.
Х8 најверојатно ќе има 7 седишта, но засега нема официјални информации за тоа.
Сè уште не се познати техничките детали, но се очекува дека X8 ќе ја дели платформата со моделот Х7, па може да очекуваме 6-цилиндричен бензин и дизел мотор со блага хибридна технологија.
За разлика од моделот X7, M50i нема да биде најмоќниот модел во понудата бидејќи по 1 година ќе биде претставен моделот X8 M со plug-in хибриден систем - комбинација од 4,4-литарски V8 мотор, електричен мотор и батерија. Овој модел ќе развива 750 КС што значи дека овој модел ќе биде најмоќниот автомобил во историјата на компанијата.