Веста дека ѕвездата на Хјустон Расел Вестбрук е заразен со коронавирус вчера одекна во САД, но за кратко време навивачите на Рокетс ги затече уште една лоша вест.
Уште еден великан на НБА тимот – Џејмс Харден – исто така е позитивен на COVID-19.
Вестбрук преку социјалните мрежи соопшти дека е позитивен и најави дека ќе се приклучи на тимот најбрзо што може, повикувајќи ги фановите да се штитат од вирусот и да носат маска. Но, Харден не се огласи.
Ни Вестбрук, ни Харден не се појавија со екипата во Орландо пред неколку дена, а американските медиуми дознаа дека и Џејмс е заразен и ќе се приклучи на екипата кога ќе продолжи сезоната на 31 јули.
Хјустон се чини навистина има проблем: на последната рунда тестирања, од 322 тестирани играчи и членови на стручниот штаб и вработените, имаше само два позитивни теста и тоа на двете ѕвезди на екипата.