Ерлинг Холанд ќе биде најбараниот играч во летниот преоден рок.
Најголемите светски клубови се борат за одличниот напаѓач кој на 79 натпревари постигна 80 гола за тимот од Дортмунд. Борусија има џентлменски договор со Холанд дека тој нема да има никакви проблеми со трансфер ова лето доколку некој плати 75 милиони евра, што ќе се случи.
Германскиот клуб бара од Норвежанецот да им каже дали заминува ова лето или можеби ќе остане, за Борусија навреме да се подготви да ја доведе неговата замена. Но, Холанд рече дека само сака да игра фудбал и дека не го интересираат тие приказни, а даде интервју за Sky Sports во кое откри што ќе прави кога ќе ја заврши фудбалската кариера.
„Секогаш кога имам шанса, се трудам да се опуштам. Возам трактор, ги хранам кравите на фармата и тоа ќе го правам во иднина. Кога ќе престанам да играм фудбал, ќе имам една мала фарма со животни и ќе работам таму. Не знам каде, ама ќе ја имам“, рече Холанд.