Во холанскиот град Алмело денеска е изведен вооружен напад, во кој две лица загинаа, а едно е повредено. Осомничениот е уапсен, откако претходно бил ранет, јавија локалните медиуми.
RTV Oost објави снимка на која се гледа полугол маж со самострел на балконот, додека во заднина се слуша истрел од огнено оружје. Мажот наводно од балконот со самострелот пукал во минувачи.
Полицијата испукала неколку куршуми обидувајќи се да го уапси осомничениот. Очевидци велат дека слушнале повеќе истрели.
Полицијата на Twitter прво објави дека ситуацијата е под контрола, но потоа објави дека се работи за ситуација означена со кратенката GRIP 3, што значи дека тековната ситуација е опасна за граѓаните.
На социјалните мрежи кружат снимки на кои се гледа акцијата на полицијата.