Антиоксидансите се супстанции кои го штитат телото од слободните кислородни радикали кои можат да ги оштетат клетките. Затоа, во исхраната треба да вклучите што повеќе храна богата со антиоксиданси.
Често слушаме дека антиоксидансите се чудотворни и лековити материи кои лекуваат секаква болест, но самиот збор означува цела група различни соединенија. Најмногу се работи за витамини и некои минерали.
Тие се супстанции кои помагаат да се „исчистат“ молекулите кои ги оштетуваат клетките во вашето тело, наречени и слободни радикали, и ги има во многу форми.
Во продолжение ви откриваме која храна е богата со антиоксиданси.
Доматите се полни со ликопен, кој е еден вид од групата антиоксиданси наречени каротеноиди. Ќе го внесете во вашиот организам со јадење сирови домати. Можете исто така да го зголемите внесот ако ги готвите во сос или јадете со малку масло.
Љубители на чоколадо, радувајте се. Вашиот омилен десерт содржи антиоксиданси. Клучот е да јадете чоколадо со висока содржина на какао. Изберете темни сорти наместо млечно или бело чоколадо. Сепак, уживајте во умерени количини.
Во споредба со повеќето други јаткасти плодови, оревите имаат најмногу полифеноли, еден вид антиоксиданс. Треба да изедете само 7 ореви за да ги искористите здравствените придобивки.
Сите пиперки се добри извори на антиоксиданси, но црвената пиперка е на прво место. Тие се полни со каротеноиди кои можат да помогнат во спречување на одредени видови на рак. Пиперките најдобро ги даваат своите антиоксиданси кога се јадат сирови.
Пилешкиот џигер (црн дроб) или џигерот од други животни е богат со витамин А, моќен антиоксиданс кој помага за здравјето на коските и ја зајакнува одбраната на вашето тело од болести. Ако вкусот на џигерот е премногу силен за вас, натопете го во млеко пред да готвите.
